أخبار ومواضيع راديو مظبوط
November 23, 2017

من حقي احكم على الناس ولا لا ؟!

بقلم : راديو مظبوط

من حقي احكم على الناس ولا لا ؟!

لما اشوف حد غلطان و متاكد انه غلطان
مش بشك فيه لكن الدلائل واضحة جدا جدا تؤكد انه غلطان
هل الغلط اني اشوفه غلطان ؟

مثلا روحت اقابل حد لاول مرة و استاذنت اروح الحمام ورجعت لقيت ايدها في شنطتي
ولما فتحت الشنطة لقيت فعلا في حاجة ناقصة هل معني الادانة اني اقول كدة ولا دة تميز
هل معني اني لما اشوف عيوب الناس هي معني كدة اني بنتقدهم وربنا بيزعل من حاجة زي دي ولا لا
المتكلم قال في النقطة دي ان
في حاجتين بيمزوا بين الادانة والتميز
مش اني اشوف ان الشخص غلطان لا..
لكن اني انا احس اني انا افضل منه بسبب اني مش بعمل نفس الغلط اللي هو بيعمله
طيب ليه انا ماحسش اني فعلا افضل منه طيب
ما فعلا الشخص اللي مش بيسرق افضل من الشخص اللي بيسرق
ببساطة.. لانك ماتعرفش الشخص اللي بيسرق دة اتربي في انهي ظروف مر بايه
الخامة بتاعته الاصليه ايه.. طبيعته ايه..
او مثلا انه هو يبقي عنده احساس بالحرمان جامد جدا دة بيخليه يضطر انه يسرق
ومعروف ان في مرض اسمه سرقة وهو معروف في علم النفس السرقة المرضية اني اكون بسرق بدون مبرر
مثلا ممكن يكون ماتعودش من باباه ومامته انه مايقارنش نفسه بحد غيره
ف دايما حاسس ان غيره احسن منه ممكن يكون الشخص بيعمل كدة تابع للمكان اللي هو جاي منه
مثلا شاف مامته بتعمل كدة او حد من اهله او حد ماقاومهوش من وهو صغير
او اخد فكرة عن نفسه من وهو صغير انه بيسرق
في اسباب كتير قوي مانقدرش نحددها
علشان كدة ماقدرش اقول احسن منه لاني مابداتش زي ماهو بدأ
الحاجة التانية
ان ظروف تربيتي يمكن يكون فيها مميزات انا مش السبب فيها
زي مثلا ان ممكن تكون اتربيت في عائلة بتحب تضيف الناس.. انت هاتطلع تلقائيا بتحب الناس
زي ما اكون الحاجة دي دخلت في نسيجي من الاول
علشان كدة لسببين ماينفعش ادين حد
1- لاني مش عارف ظروفه ايه
2- لاني مابداتش من حيث ما بدا هو