أخبار ومواضيع راديو مظبوط
September 21, 2017

رخامة المذاكرة

بقلم : راديو مظبوط

رخامة المذاكرة

رخامة المذاكره ، خوف ، مش عارف اذاكر ازاي ، زهقان ،
الوقت بيضيع حاجات كتير شبه دي ممكن نتفاداها
عشان نعرف ننظم وقتنا ونعرف نعمل ايه محتاجين ٣ حاجات مهمين قوي
١- افهم نفسك : بمعني ان كل حد مننا مختلف عن التاني
فا في مننا اللي تركيزه بيبقي عالي بالليل ، وف اللي تركيزه بيكون ف النهار كمان
انت محتاج تعرف * ايه انسب مكان تحب تذاكر فيه
وتبقي مركز وانت بتذاكر جايز يكون ( كافيه ، البيت ، اضاءة هاديه ، شكل قعدتك ازاي …)
لما بنتعب شويه في فهم نفسنا بنرتاح اكتر في حياتنا
* شكل البريك ومدته كل كام ساعه مذاكره
* اختار لنفسك مكافأت تديها لنفسك لما تخلص اللي حددته ( ان شالله المكافأه تبقي شكولاتايه 😊)
٢- اعمل جدول مناسب لشخصيتك وطبيعتك
* جايز لازم تحط حاجه حفظ ، مع حاجه فهم
، مع حاجه تتحل بس ( يعني مش كلهم نوع واحد عشان ماتزهقش نفسك 😊)
* ولأن الثانويه العامه محتاجه مجهود مكثف ومذاكره كتير
فاممكن يكون نوع المكافأه خروجه مع الشله او مع العيله ( لان ده ممكن ماتلاقيلهوش وقت قوي وسط اليوم )
٣- كمان اهتم بتغذيتك من خضار وفاكهه ومشروبات تساعدك علي التركيز
والطاقه ومقاومةالحر اللي احنا فيه ده 😓( تقدر تعرف الحاجات دي من علي الانترنت)
يارب اكون ساعدتك ولو في اي حاجه تاني اقدر اعملها ابعتلنا