أخبار ومواضيع راديو مظبوط
December 21, 2017

حد يحبني يا جدعان ( الاحتياجات النفسية بتاعتي )

بقلم :

حد يحبني يا جدعان ( الاحتياجات النفسية بتاعتي )

لما بتكون جعان بطنك بتعمل اصوات غريبة كدة صح ؟؟
ولو نعسان بتحط دماغك في اي حته وتنام عادي جدا
او ممكن تقاوم شوية بس لما النوم بيغلبك خلاص .. صح ؟؟
ولو سقعان بتجري تجيب حاجة تغطيك او بتنكمش في نفسك كدة صح ؟؟
الاحتياجات دي بقي ياعم اسمها احتياجات جسدية فا دي سهل قوي قوي نحسها ونسددها علشان يروح الاحتياج دة
لكن بقي في احتياجات تاني اسمها نفسية دي مش دايما نحس بيها واوقات بتبقى صعب نسددها
الاحتياجات دي كتيرة قوي بس في 3 حاجات مهمين قوي فيهم

1 – هو اني ببقي عايز حد يحبني محبة مش مشروطة يعني ايه بقي الكلام الملعبك دة ياعم ؟؟
اقولك انا يا عم ماتزوقش كدة
الحب الغير المشروط دة هو ان .. حد يحبني في اكتر وقت انا مش شايف فيا اي حاجة تتحب
واكتر وقت انا ماستحقش اصلا الحب دة
يعني لو شكلي بقي وحش او حسيت بالفشل او حتى مش معايا حاجة اديها لحد
فابيبقي صعب حد يديني الحب دة
بس مش شرط بقي اني اخد حب مشروط من اي حد معدي كدة ودة يشبعني.. لا طبعا
ممكن بقي حد يديني الحب دة وانا مش قابله من الشخص فامايأثرش ويبقي مالوش لازمة
اقولك علي سر بس تستر عليا ؟؟
انا كنت فاكر ان الحب الغير مشروط اللي ربنا بيديهولي هايغنيني عن حب اي حد
اه طبعا دة حقيقي بس المشكلة عندي انا هافهمك ليه
انا برغم عظمة ربنا بس ببقي محتاج حد قدامي زيي وشبهي اشوفه حبه دة

2- الاحتياج للانتماء يعني بحب اكون مع جماعة معينة او ناس يعني
علشان احس بحبهم وكدة يعني ونكون بنعمل حاجات مع بعض

اخر احتياج وهو رقم 3 – هو اني بحب اتلاحظ ( الناس تشوفني يعني )
بحاجة بعملها بقي او بطريقة تفكير او بكلام بقوله
مهم قوي بقي ياعم تكون واخد بالك من الاحتياجات دي
وتفكر وتمخمخ ازاى تسددهم صح