أخبار ومواضيع راديو مظبوط
September 14, 2017

حبة حقوق لازم تطالب بيهم وكمان ” تديهم”

بقلم : راديو مظبوط

حبة حقوق لازم تطالب بيهم وكمان ” تديهم”

عندي بنت سنها ٧ سنين 😍😍، لما تطلب مني
انها تروح عند صاحبتها فوق ف الدور اللي فوقينا وانا بكون مشغوله
فا تقولي
بنتي : ماما عايزه اطلع عند توتي
انا: حبيبتي استني
بنتي : استنى ايه ، ممكن اطلع
انا : ثواني يا حبيبتي مشغوله
بنتي: ماما لو سمحتي ردي عليا ممكن اطلع عند توتي ؟
وانا لاني مشغولة فاساعات ممكن اقول
انا : طيب لاء مش هاتطلعي
بنتي : ليه بقا 😡؟
انا : كده ، كده وخلاص
وافتكر ان الموضوع خِلص خلاص وهارتاح 😀😀،
اتاري وقعت نفسي في نقاش اكبر 😂لان اللي بيحصل كالاتي
بنتي: مافيش حاجه اسمها كده ، مافيش حاجه من غير سبب ،
ليه ماينفعش اطلع 😳، اقنعيني 😳
انا : ياااااااختتتتتتتي
*افتكر ده حصل لاننا ربيناها على انها ليها حقوق 💃🏻💃🏻💃🏻
لازم تطالب بيها علشان تاخدها لو احنا استعبطنا وطنشناها 😉
* حقك تعرف ليه اتقالك ( اه ) او ليه انقالك ( لاء )
* حقك تفهم اللي انت مش فاهمه
* حقك الناس تكلمك باحترام
* حقك الناس تقدرك وتشجعك
* حقك الناس تقف جنبك ويسندوك
* حقك ان ماحدش يهينك بالكلام او الضرب او اي اساءة
* حقك يتعملك حساب وخاطر ويتخاف على زعلك
* حقك انك تتكلم بالطريقه اللي تناسب شخصيتك
* حقك تبقى حر في شكل علاقتك باالله سبحانه وتعالى

* حقك تقول ( تعبان 😔، مش قادر ، مش عايز اروح ، انا محتاج كذا ….)

*** وحقك ان
* دي حق الناس
* توضح ليهم انت ليه قولت ( اه ) وليه قولت (لاء)
* حقهم عليك يفهموا الحاجه الغامضه اللي مش فاهمنها منك
*حقهم عليك تقدرهم وتشجعهم
* حقهم عليك تقف جنبهم ف الشده والتعب والفرح
* حقهم عليك انك تحترمهم ماتهينهمش بالكلام او بمد الايد او بأي نوع اساءة
* حقهم عليك انك تعملهم حساب وخاطر وتخاف على زعلهم
* حقهم عليك تطلقهم احرار في طريقة كلامهم واسلوبهم اللي بيناسبهم
* حقهم عليك انك تحترم اختلافهم في علاقتهم وعبادتهم لربنا سبحانه وتعالى
* حقهم عليه انك تمنحهم حق التعبير والاختيار في انهم يختاروا اللي عايزينه
دول شوية حقوق ليك وعليك اذا عشت بيهم عشت متهني ، وخليت اللي حواليك متهنيين
#راديو_مظبوط