أخبار ومواضيع راديو مظبوط
January 12, 2017

الناس وصورتي عن نفسي .. ليه اصدقهم؟

بقلم : راديو مظبوط

الناس وصورتي عن نفسي .. ليه اصدقهم؟

– العلاقات القريبة الهادية الجميلة ليها دور مهم قوي وكبير في تنمية صورتي عن نفسي
ازاي تعرف انهم هما دول الناس الصح في حياتك ؟؟

* ناس يدوك ثقة في نفسك ويخلوك تتقدم للامام

* ناس يكونوا سبب انك تعمل حاجه ما كنتش تتخيل انك ممكن تعملها وبسببهم تتفاجئ بنفسك ” اقصد حاجه حلوة طبعا😉”

* ناس يقدروا يقولولك عيوبك ” من غير ما يعوروك” عشان تطورها ويقدروا قوي يقولولك “مميزاتك من غير ما يجاملوك”عشان تنميها اكتر

* خليك قريب من ناس بيؤمنوا بنفسهم وبقدراتهم وقدرات الاخرين عشان لو بيؤمنوا بنفسهم بس هايوكسوك، ولو مش بيؤمنوا بنفسهم اصلا فاكيد انت مش هاتبقى امله قوي بالنسبالهم حتى لو كنت من الخارقين

* ابتعد عن الناس اللي نظرتهم لنفسهم متعاليه ومابيشفوش غير نفسهم ” لانهم من الاخر هايخفسوا بيك الارض وانت اصلاً مش ناقص ”

* ناس حياديين ، متاحين الي حد ما وقتهم يسمح تتكلم معاهم لما تحتاجهم ، ناس موثوق فيهم ” يحفظوا سرك”

* وخلي بالك طبعا احنا هنا مش بنتكلم عن ملايكه 😊، يعني اكيد هايكون فيهم عيوب زيك زيهم لكن اقصد ان الصفات دي مهم تتوفر فيهم

* اوعى تقولي مافيش دول يا عم mazboot ، لاء في، وفى كتير كمان ، دور كويس هتلاقي … الناس ارضيه ثابته لحياتنا فاهتم انك يكون ليك علاقه صح بيهم