أخبار ومواضيع راديو مظبوط
August 13, 2017

الخوف الزايد من انك تفشل للاسف هايسببلك الحاجات دي

بقلم : راديو مظبوط

الخوف الزايد من انك تفشل للاسف هايسببلك الحاجات دي

😢 ١- هوس الكمال يعني يبقى عندك “هسهس” ملازمك طول الوقت
مستني من نفسك انك تنجح دايما دايما وبأعلى كفاءة كمان
،فيحصل انك تفشل في حاجه فاتحس انها نهاية المطاف وخلاص مالكش لازمه
، مع ان احتمال الفشل وارد جدا عند كل الناس ،
اللي عنده الهسهسه دي دايما بيأجل الفرحه يخاف يفرح حتى
ويأجل فرحته منتظرا انه يكون كاملاً تماما ( وده طبعا مش هايحصل لان الكمال لله بس وحده )
٢- يحصل انك تتجنب المخاطره فلانك خايف من الفشل
فتقول ” خليني بعيد احسن ، اللي نعرفه احسن م اللي مانعرفهوش ”
وهاتمشيها طول حياتك تقليدي ومش هاتفكر في اي افكار مبدعه وخلاقه
وتعيش عمرك كله بتعمل بس اللي متاكد من نتيجته وتتجنب كل ما هو جديد
٣- الكسل وعدم الاحساس بالمسؤليه خوفك الزايد م الفشل
هايخليك فاقد تماما الدافع في الحياة ، بتفضل الانسحاب والابتعاد من الحياه ،
السلبيه عدم المشاركه والمبادره مع اخرين
او حتي مبادرتك لحاجه جديده ” دايما راجع ورا يعني”
٤- مشكلات في العلاقات الخوف الزايد من الفشل ،
هايوتر علاقاتك بالناس ، لانك دايما هاتبقى عايزهم مايغلطوش ولا غلطه
وهاتحسسهم دايما انهم هما المسؤلين عن الفشل اللي حصل ،
هاتفقد علاقاتك بالناس القريبين لان مابقاش لهم وقت في حياتك لانك مركز انك تنجح وبس ،
من كتر كلامك على النجاح النجاح النجاح
هاتحسس الناس انهم ادوات انت بتستغلها عشان توصل للنجاح اللي عايزه ، فده هايخسرك علاقات
٥- ادمان النجاح الخوف الزايد من الفشل
تصبح مدمن تتعاطى حبوب النجاح لان نجاح امبارح مش هايقضيك ،
هاتفضل عايز نجاح اكتر واكتر فاتضيح حياتك كلها
تدور علي نجاحك وتضيع باقي جوانب الحياه التانيه ( الاسره ، العلاقات ، علاقتك بالله ، …) ،
ولو تعرضت لأي فشل طبيعي هتصاب باكتئاب شديد ،
او ممارسة سلوكيات قهريه زي انك تاكل كتير او تمارس سلوكيات جنسيه ،
وتعتبرها ان ده هايقلل حجم الالم اللي اتعرضتله بسبب الفشل
*** ازاي تاخد خطوات عمليه للنجاح
١- خد خطوة جريئة ما اخدتهاش قبل كده تقوي قلبك
وتشجعك انك تاخد خطوات تاني جديده بعدين ” طبعاً هاتلاقيها صعبه في الاول لكن عن تجربه … هاتتبسط وتحس بالانجاز ”
٢- ثابر ، يعني خلي عندك طولة بال واستمراريه
ف الحاجه اللي قررت تبدأها ” حتى لو عصلجت معاك ف الاول برضو كمل 💪”
٣- املى قلبك بالمحبه ، محبة الله ومحبة الناس هايسندوك قوي قوي ويساعدوك في سكتك
٤- اعرف ان النجاح – مشوار طويل جايز يكون محتاج عمرك كله عشان تحققه
النجاح له مواسم فا ممكن تنجح لكن تلاحظ نجاحك بعد فتره مش في وقتها –
النجاح بيختلف من شخص لاخر لان امكانياتنا مختلفه عن بعض فااياك والمقارنه –
النجاح هو انك تعرف تستغل مواهبك وقدراتك وامكانياتك يالا اتفضل ابدأ