أخبار ومواضيع راديو مظبوط
November 29, 2017

اعمل اللي عليك.. ربنا يكمل الباقي

بقلم : ليلى فرج

اعمل اللي عليك.. ربنا يكمل الباقي

كل واحد بيقول انا هاعمل ايه وسط كل دة
مفيش حد فينا مايقدرش يعمل حاجة
لان دورك مش بس بيقتصر علي اللي انت بتعمله
اول ما ربنا بيشوف ان في حد عنده ضمير
بيشتغل بالامكانيات اللي عنده في اللي لازم يعمله
ربنا بيدخل يشتغل علي شريحة اكبر في المجتمع
لانه حط شرط اننا لازم نعمل اللي علينا وهو في الاخر هايعمل اللي عليه
واللي عليه عظيم جدا بس مرتبط باننا نعمل الدور اللي مطلوب مننا
كل حاجة صغيرة بنعملها حتي لو كانت قد منقار العصفورة
اللي حاول يطفي النار بتفعل دور ربنا في منطقة اكبر في البلد اللي احنا عايشين فيها
انا وغيري يا مصر قومنا كلنا بدور عصافير
برغم النار كانت تعلي وتملا مية في المناقير
وبالمية كانت بحماسة فوق النار بريشها تطير
فارسل ربي من عنده ملايكة من جيوش شبان
طفي بيهم حريق ارضك بدم وهمه وبايمان
مسلم مسيحي
يارب كلل جهدهم
يارب وحَد قلبهم
يارب حافظ علي البلد دي بك واحد منهم

مش لازم تموت علشان خاطر مصر في حرب علشان يبان انك بتحبها
انت ممكن تعمل كدة وانت خارج من باب الاوضة تطفي النور
وانت بتغسل اسنانك اقفل الحنفية لغاية ما تفرش اسنانك

وانت في الشارع ماترميش زباله
قصة في كتاب عن القيم الانسانية كتبته اليونيسف بتحكي
ان في يوم من الايام حصلت حريقة في الغابة

قامت كل الحيوانات عدت النهر الناحية التانية
علشان تتفادي الحريقة ولقوا العصفورة بتاخد ميه بمنقارها
وتوديه الناحية التانية ناحية الحريقة
سالوها انتي بتعملي ايه قالتلهم انا بعمل اللي اقدر عليه
ف لما ربنا لقاها بتعمل كدة بعت جيش من الملايكة علشان يطفوا الحريقة
شكلها قصة طفولية او خياليه لكنها حقيقية جدا
علشان اي دور بسيط ايجابي انا بعمله دة بيفعَل دور ربنا في البلد