أخبار ومواضيع راديو مظبوط
December 16, 2017

اصول الخناقة الصح ( ازاي نتخانق ونحافظ على علاقتنا )

بقلم : ليلى فرج

اصول الخناقة الصح ( ازاي نتخانق ونحافظ على علاقتنا )

عارف ليه اوقات كتير بنتخانق ؟ 😉
اقولك انا علشان احنا بنبقي متخيلين اننا شبه بعض قوي او نفس طريقة التفكير
ف اول ما يظهر الاختلاف نتخض ونتخانق ✋
بس اقولك سر
الخناقة مش معناه ان حصل شرخ في علاقتنا هايتلم بعد وقت لا طبعا
الخناقة معناها ان ظهر مطب كدة او لمبة نورت 🔦
بتقول اننا في حاجة مش شبه بعض فيها
فا مطلوب مننا نخلي بالنا منها
علشان لما نعدي في نفس المكان تاني مانتكعبلش في المطب دة 🔊🚗
ف قدامنا بقي اما اننا نردم المطب دة وممكن مايبقاش ينفع يتردم
ف نعمل ايه نعلم نفسنا اننا نعدي من فوقه علشان نحافظ علي علاقتنا ونكمل الطريق سوا 🚃
وبكدة ممكن الخناقة تكون مفيدة .. تصدق !!😉
نعمل ايه بقي علشان نستفيد من الخناقة
ننهي الخناقة ازاى بقي
اننا مش بس نقول وجهة نظرنا ونسكت ✋
لكن اننا ننهيها هو اننا نقرر حاجة مع بعض
تكون محددة واضحة واقعية 👌 يعني ينفع تتنفذ
يعني نتفق علي حل وسط بينا.. فيه نكون احنا الاتنين مرتاحين ومانقعش في نفس المطب تاني 😍
فهمتني بقي ياعم ولا ايه